DANDO VOZ Y VISIBILIDÁ

Dando voz a Cimavilla: Cultura, Arte y Compromisu

En SOMOS 33201 creemos que la meyor manera de protexer la nuesa identidá ye dándola a conocer. El nuesu barriu, Cimavilla, tien una hestoria rica, una cultura única y una forma de vida que merez ser visibilizada y defendida. Por eso, trabayamos pa dar voz a los sos problemes y, coles mesmes, promover aquello que nos fai especiales.

El nuesu llabor nun se queda solo en Cimavilla. Basámonos principalmente nel nuesu barriu porque ye lo que conocemos de primera mano, pero'l nuesu compromisu estiendes a Xixón, Asturies y toos esos barrios que tán siendo afectaos pola xentrificación y la turistificación. Barrios que, amás, tán perdiendo'l sentíu de comunidá, les sos tradiciones y les sos formes de vivir. Queremos ser una voz pa quienes tán viendo la so forma de vida amenaciada y contribuyir a la defensa de la nuesa identidá colectiva.

Vamos facelo al traviés de:

Diseños artísticos en ropa y moda, llevando la nuesa identidá a la cai con prendes que representen l'espíritu de Cimavilla.

Eventos culturales que celebren la nuesa hestoria, la nuesa xente y les nueses tradiciones.

Entevistes a la xente mayor del barriu, rescatando la so memoria y los sos relatos por que nunca se pierdan.

Documentales y publicaciones lliteraries que cunten la nuesa hestoria y la nuesa realidá con un enfoque auténtico y comprometío.

Collaboraciones con artistes locales, ufiertando un espaciu por que'l so arte reflexe y amplifique la identidá del nuesu barriu.

Si yes artista, creador o a cencielles daquién que comparte la nuesa pasión por Cimavilla y pola llucha contra la perda d'identidá de los nuesos barrios, convidamoste a formar parte de SOMOS 33201. Queremos qu'esta llucha sía colectiva, que l'arte y la cultura sían ferramientes para reivindicar lo que somos y lo que queremos siguir siendo.

Xuntos, vamos facer a Cimavilla escuchase, vese y sentise.

SOMOS 33201. Somos barriu. Somos cultura.